Të dehur në timon e në thyerje të rregullave të drejtimit të mjetit. Megjithë aksionet policore, gjobat e konsiderueshme dhe heqjen e patentave nuk kanë të mbaruar rastet e shkelësve. Së fundi policia ka njoftuar se 19 drejtues mjeti janë arrestuar në gjendje të dehur dhe 24 shofere janë dërguar në OASH për drejtim mjeti nën efektin e alkoolit.
Një nga drejtuesit e mjetit si duket edhe në videon e publikuar nga policia nuk mohon se ka pirë, por jo aq sa për t’iu hequr patenta.
Ja dialogu me policin:
Polici: Do t’i nënshtrohesh një testi alkooli
Polici: 0.24 mlg/l të ka dalë i pari, 0.23 i dyti, je në kushtet e pezullimit të lejes së drejtimit
Qytetari: Më shumë se dy gota s’kam pirë
Polici: Do ta parkosh mjetin diku sa të qetësohesh
Polici: Të pezullohet leje e drejtimit se ke kaluar normat e alkoolit të lejuar. /ma.me
