E gjithë Italia, popullsia prej 60 milion banorësh është gdhirë sot e paralizuar sepse njerëzve u është thënë të qëndrojnë në shtëpi.
Italia aktualisht ka numrin më të madh të të prekurve me virusin korona jashtë Kinës me 1598 raste të reja dhe 97 të vdekur në orët e fundit.
Që prej ditës së sotme udhëtimet janë shtrënguar përmes Italisë e gjithashtu janë ndaluar mbledhjet publike nëpër qytete si masa të forta për të luftuar përhapjen e virusit të ri.
Kryeministri Conte do të deklaronte në një konferencë urgjente për shtyp se “kufizimet që nga 10 marsi do të shtrihen në të gjithë Italinë duke u dhënë të gjithë rajoneve dhe provincave statusin e zonave të kuqe. Lëvizjet do të ndodhin vetëm për punë dhe çështje shëndetësore”.
“Io resto a casa” “Unë qëndroj në shtëpi”, që tashmë ka hyrë në fuqi, parashikon ndalimin e shkollave dhe universiteteve deri në 3 prill. Ndalohen edhe ndeshjet e seria A.
“Infektimet dhe viktimat janë në rritje të fort”, do të nënvizonte kryeministri Conte në konferencën e një dite më parë, të hënën në mbrëmje të 9 marsit duke i ftuar të gjithë qytetarët të ndryshojnë zakonet e përditshme dhe të kufizohen lëvizjet.
“Mund të lëvizet edhe për të bërë pazarin”
Nuk do të ketë ndalim të transportit publik për të siguruar vazhdimësinë e sistemit produktiv dhe për tu siguruar njerëzve shkuarjen në punë.
Italia nuk është ndjerë ndonjëherë kaq vulnerabël sa sot, kaq në nevojë sa sot, kaq e tutur sa sot, me kaq nevojë për ndihmë sa sot.
Italia e bllokuar ka qenë sot në faqe të parë “breaking news” në të gjitha mediet botërorë./ g. kosovari
