Moderatorja Alketa Vejsiu ka ndarë një mesazh për vajzën e saj, Nikol, me rastin e 18-vjetorit të saj. Edhe pse ka preferuar të mbajë fëmijët larg vëmendjes publike, këtë herë ajo ka publikuar disa momente me të bijën, duke përfshirë edhe imazhe nga fëmijëria e saj.
Në një postim në rrjetet sociale, Vejsiu ka shprehur emocionet e saj për këtë ditë të veçantë, duke e quajtur Nikol “dhuratën dhe shpërblimin më të madh të jetës.” Ajo kujton se ishte 22 vjeç kur e solli në jetë dhe e përshkruan këtë përvojë si një bekim.
Moderatorja shkruan se vajza e saj ka tejkaluar pritshmëritë dhe është jo vetëm një fëmijë, por edhe një shoqe dhe motër e ngushtë për të. Ajo e këshillon Nikol të jetë gjithmonë e etur për dije dhe të jetojë e lirë.
Ndër të tjera, Vejsiu shkruan:
“Je më shumë se ç’kisha ëndërruar, jo vetëm vajza por motra dhe shoqja ime më e mirë. Mos rresht kurrë së mësuari. Fuqia e vetme është dija.”
View this post on Instagram
