Me koncentrim të thellë në fytyrën e tij, Rick Clement shihet duke i bërë hapat e lëkundur njëri pas tjetrit. Duke u mbështur në mbajtëset anësore, ky është një moment i jashtëzakonshëm kur rreshteri i ushtrisë me vendosmëri e bën hapin e tij të parë, që kur është ndarë në dysh nga bomba talibane.
Pasi ka menduar se nuk do të jetë në gjendje të ecë përsëri, heroi i luftës afgane tregon vendosmërinë e çeliktë që e bëri atë një udhëheqës të dekoruar, derisa i merr hapat fillestarë pesë vjet pasi i humbi të dyja këmbët në një shpërthim bombe.
Ushtari 35 vjeçar, i cili e ka vuajtur si martesën po ashtu edhe divorcin që kur është kthyer në shtëpi nga Afghanistani, tani shpreson ta përmbushë ëndrrën e tij të ecjes.
Duke e përshkruar veten si ‘Robocop’, ai ka thënë se dëshiron që t’ia ofrojë vetes ‘çdo shans’ të jetës, pasi e ka postuar një video ku shihet duke e bërë hapin e parë rreth ëndrrës së tij, me ndihmën këmbëve mekanike në vlerë 50 mijë dollarë.
Rick i është bashkuar ushtrisë në moshën 17 vjeçare. Ai ka shërbyer në batalionin e parë kur i ka marrë lëndimet që do t’ia ndryshonin jetën në maj të vitit 2010.
Kur ai është kthjellur, i është thënë se më kurrë nuk do të jetë në gjendje të bëjë fëmijë ose të ketë marrëdhënie seksuale, meqë organet e tij gjenitale gjithashtu ishin dëmtuar në mënyrë katastrofike.
Pasi u kthye në Britani, ai e filloi rrugën e gjatë të shërimit dhe madje u martua me të dashurën e tij prej shumë vitesh, Leanne Isaacs, e cila u betua të qëndrojë pranë mashkullit të saj ‘perfekt’, pavarësisht lëndimeve të tij dërrmuese.
Ata e kanë blerë edhe një shtëpi të re të madhe, e cila përshtatet me gjendjen e tij fizike, duke i shfrytëzuar paratë e fondit të kompenzimit të tij, në vlerë prej 575 mijë dollarëve.
Por, pas dy vitesh martese, ata kanë vendosur të ndahen, pasi siç kanë deklaruar, më shumë e shihnin njëri tjetrin si motër e vëlla. Bashkëshortja ka deklaruar se ai nuk ishte më i njëjti njeri prej kur u kthye nga lufta.
Tash, me ndihmën e këmbëve mekanike në vlerë prej 50 mijë dollarë, ushtari trim i ka bërë hapat e parë në Qendrën e Specializimit dhe Rehabilitimit në Preston.
“Kam qenë i rrethuar nga djem që kanë garuar për maratona, që kanë notuar dhe janë ngjitur nëpër mure. Kjo e ka ndryshuar mendimin tim”.
“Unë mendova: Nëse ata mund ta bëjnë, edhe unë do të mundem”.
“Kjo ishte një gjë pothuajse e pamundur në fillim, por teknologjia ka ecur shumë përpara”.
“Nuk është një gjë totalisht e sigurt, por ekziston një mundësi e qartë që unë do të mund të eci përsëri në njëfarë formë”, ka deklaruar ai për Big Issue.
Kjo trimëri e tij është duartrokitur jo vetëm nga familja dhe miqtë e tij, por edhe nga disa milionë përdorues të rrjeteve sociale, duke e shpërndarë historinë ë tij anembanë botës.
https://www.youtube.com/watch?v=F9_uh9zfIrQ
