Sekretari i PD, Flamur Noka, vijon tu hakërrehet mediave për disfatën në zgjedhjeve. Teksa vetë Muli kishte një vend të sigurt në lista, tani është faji i gazetarëve që PD u katandis në 50 mandate.
PD po mban një protesta simbolike në Tiranë për atë që ajo e quan vjedhje të votës, por pati një episod të tensionuar mes Nokës dhe gazetarëve, të cilët i kërkuan nëse do mbajë përgjegjësi për humbjen. Por ai foli me një ton vulgar.
“Patronazhimi, përdorimi i administratës dhe bandave kriminale ishin ato që ndikuan në tjetërsimin e votës së shqiptarëve. Kjo nuk mund të pranohet kurrën e kurrës. Faktori ndërkombëtar e vuri gishtin mbi plagë. 750 000 pensionistëve iu ble vota me 100 euro. Falja e 150 000 gjobave dy ditë para zgjedhjeve, blerje vote është”, tha Noka.
Ndërsa, kur u pyet nga A2 CNN nëse zoti Sali Berisha do të japë dorëheqjen nga posti i kryetarit të Partisë Demokratike, Noka u përgjigj:
“Për të gjithë ju që merrni instruksione te Fuga, kam një përgjigje: Statuti është zbatuar dhe do të zbatohet nga Partia Demokratike me përpikmërinë më të madhe.
Në momentin që në Shqipëri të ketë zgjedhje të lira, çdokush brenda nesh do të mbajë përgjegjësi”.
