Izraeli po përjeton të nxehtin më ekstrem që prej themelimit të shtetit. Disa zjarre shpërthyen të mërkurën në të gjithë Izraeli, ndërsa temperaturat arritën deri në 49.9 gradë Celsius, duke nxitur evakuimin e qindra shtëpive në të gjithë vendin.
Zjarrfikësit u vunë në alarm të kuq dhe vullnetarë u thirrën në të gjithë vendin. Pesë njerëz, tre burra të moshës 64, 60 dhe 35 vjeç dhe dy gra të moshës 70 dhe 41 vjeç, u plagosën lehtë nga thithja e tymit.
Zjarret janë përqendruar në tri fusha: Yehuda, Wadi Ara dhe Beit Shemesh. Komisioneri për zjarrfikje Teddy Simchi shpalli një gjendje alarmi të lartë.
Në qytetin e Or Yehuda, në jug të Tel Avivit, pesë shtëpi u përshinë nga zjarri dhe banorët u evakuan nga shtëpitë e tyre. Rreth 200 shtëpi në qytetet rreth Ëadi Ara u evakuan për shkak të zjarreve të afërta.
Banorët u evakuan gjithashtu nga vendbanimi i Shavei Shomron në Bregun Perëndimor. Një zjarr tjetër shpërtheu në Neot Kedumim pranë Mod’in, ku 15 banorë u evakuan dhe baza e ushtrisë u evakua gjithashtu.
Për shkak të erërave dhe motit të keq, zjarrfikësit po e menaxhojnë situatën në këmbë, pa ndihmën e avionëve të zjarrfikësve.
Policia thotë se zjarri në Ramat Pinkas po përhapet në të gjithë lagjen. “Menjëherë pas fillimit të incidentit, banorët u evakuan për shkak të tymit të rëndë”, shtoi policia.
Policia ka bllokuar disa rrugë si pasojë e zjarreve.
Temperaturat e së mërkurës janë më të lartat e matura që nga themelimi i shtetit të Izraelit.
Ministria e Shëndetësisë e Izraelit paralajmëroi të moshuarit dhe të sëmurit kronike të shmangin ekspozimin në diell.
Komisioneri i Zjarrfikjes dhe Shpëtimit i bëri thirrje publikut të shmangë përpjekjet për të shuar vetë zjarret, pasi mund të rrezikojnë jetën e tyre.
g.kosovari
