Dy ditë më parë qarkulloi në rrjetet sociale dhe në portale një video ku shfaqej një person që dhunonte një grua në mes të rrugës. Ngjarja kishte ndodhur në qytetin e Fierit gjatë orëve të mbrëmjes.
Në lajmin e publikuar në portale, raportohej se një vajzë po dhunohej nga partneri i saj. Në video shfaqen momentet kur ai e godet me shkelma dhe të dy bërtasin në rrugë.
Policia e informuar për zënkën në rrugë shkon në vendngjarje dhe tenton të shuajë sherrin.
Dhunuesi duket në video duke kundërshtuar policinë që e fut në furgon dhe e çon në komisariat. Por, çfarë ndodhi në të vërtetë atë natë. JavaNews ka siguruar detaje nga ngjarja. Burimet nga policia bëjnë me dije se dhunuesi nuk ëhstë partneri, por është pronari i një lokali ku gruaja ishte e punësuar.
Ata janë konfliktuar për çështje pune dhe shtetasi me inicialet E.T. 28-vjeç, ka nisur të dhunojë punonjësen e tij, shtetasen me inicialet N.Sh. 35-vjeçe. Policia raporton se i arrestuari ka dhunuar edhe punonjësit e policisë. Më poshtë videoja e dhunës./JavaNews/a.m.
