Një nga gjarpërinjtë më helmues në botë ka dalë nga deti në tokë. Bëhet fjalë për gjarprin gjysmë të verdhë, i cili është filmuar në brigjet e Kalifornisë, SHBA. Fenomeni atmosferik i njohur si “El Niño” i ka shtyrë gjarpërinjtë të dalin nga uji. Gjarpri gjysmë i verdhë, është një nga më të rrezikshmit në botë dhe jeton vetëm në det.
Helmi i tij është vdekjeprurës dhe shkakton dëme neuromuskulore dhe në veshka. Është i ngjashëm me atë të gjarprit kobra, por shumë herë më helmues, gjë që me një pikë helmi mund të shkaktojë vdekjen e tre njerëzve. Zakonisht nuk i sulmojnë njerëzit, nëse ata nuk janë shumë afër. Videoja që gjeni bashkëngjitur është filmuar në 16 tetor dhe është publikuar në rrjetet sociale.
