Ditën e djeshme, disa agresorë i kanë vendosur flakën një prej shkollave të Shkodrës ku ishin vendosur materialet zgjedhore.
Ndërkohë, Partia Demokratike ka përshëndetur aktin e aktivistëve të saj duke i inkurajuar për aksionin e radhës.
Duket se demokratët që kryen aktin, janë frymëzuar nga kryebashkiakja Voltana Ademi.
Më herët ajo ka bërë një deklaratë skandaloze ku nxit protestuesit të dhunojnë institucionet.
Edhe pse të gjitha agjencitë e diplomacisë ndërkombëtare apelojnë për protesta të paqta, numri një i demokratëve në Shkodër thotë se edhe ajo do të kishte dëshirë të sulmonte me molotov.
“Sigurisht që unë shkoj në Tiranë dhe shkoj biles dhe protestoj fort.
Po të kisha edhe unë molotov edhe unë do të gjuaja me molotov.
Pra, që do të thotë, unë nuk di të gjuaj me molotov, pavarësisht se në shkollë kena ba dhe ushtarake por na qëlloi që të ndryshonim sistemin, shyqyr Zotit, edhe nuk e kam pasur këtë mundësi.
Por, qejfi dhe ajo dëshira…kur je aty në protestë sigurisht do me dhënë gjithçka nga vetja.
Do të kisha edhe unë dëshirë të gjuaja me molotov”, shprehet Ademi./TemA
