Vijon ende operacioni për shuarjen e zjarrit që ra në një magazinë në Shijak. Edhe pse nuk ka pasur asnjë pasojë për punëtorët, apo banorë të tjerë aty rrotull, bëhet e ditur se dëmet materiale kanë qenë të mëdha.
Në vendngjarje kanë shkuar zjarrfikësit e Shijakut, por edhe ata të Durrësit për të shuar flakët dhe parandaluar përhapjen e tyre në objektet përreth.
Fillimisht janë parë flakë në fundin e magazinës e më pas është përfshirë e gjithë magazinë, për të cilën ende nuk dihet se çfarë materiali ka pasur brenda saj. Nuk dihen ende shkaqet e zjarrit.
Policia ka ngritur postblloqe në një perimetër të gjerë sigurie, për të mos lejuar kalimin e njerëzve, apo automjeteve të ndryshme.
g.kosovari
