Manchester City ka marrë një fitore tepër të rëndësishme teksa ka mposhtur 3-1 ndaj Chelsea-t duke ruajtur ritmin e Liverpool dhe Leicester. Pritej të ishte një sfidë e vështirë për skuadrëne Guardiolës pas Chelsea i Lampard ishte në formë të shkëlqyer.
Chelsea bëri një start fantastik të sfidës, duke vënë në vështirësi vendasit. Në minutën e 21’ The Blues kanë gjetur golin e merituar të avantazhit. Ishte kampioni i botës N’Golo Kante ai që ka zhbllokuar rezultatin pas një asisti të bukur të Mateo Kovacic.
Goli i ekipit kundërshtar ka zgjuar Citizens që shënojnë vetëm shtatë minuta më pas golin e barazimit me Kevin De Bruyne. Goditja e tij nga jashtë zonës është devijuar nga një prej mbrojtësve miq përpara se të shkonte në rrjetë.
Riyad Mahrez ka shënuar golin e avantazhit për vendasit tetë minuta më vonë, sulmuesi algjerian ka qenë i përsosur në aksionin personal duke shënuar me shumë klas. Pas golit të dytë City merr kontrollin e lojës në dorë dhe Chelsea e ka shumë të vështirë të fitojë topin në mbrojtje dhe të dalë në sulm.
Në pjesën e dytë City mund të kishte vulosur më herët sfidën, mundësitë ishin, por Aguero me shokë nuk janë treguar të saktë. Argjentinasi duhet të dilte nga fusha i dëmtuar në minutën e 75’, por City arriti ta ruante avantazhin duke marrë një fitore të rëndësishme.
g.kosovari
