E frikshme në pistën e garave në Birmingham.
Disa njerëz u plagosën në një aksident gjatë një gare çiklizmi në pistën e Lojërave të Komonuelthit në Birmingham të dielën, ku konkurrentin britanik Matt Walls, i cili u katapultua në tribuna. Kampioni olimpik u trajtua nga personeli mjekësor për më shumë se 40 minuta, përpara se të merrej me ambulancë. Po ashtu spektatorë u plagosën nga biçikleta dhe vetë çiklisti.
“Matt është i vetëdijshëm dhe flet, siç ishte pas aksidentit dhe po trajtohet në spital”,- tha skuadra angleze në një postim në Twitter. 24-vjeçari po përpiqej të shmangte çiklistë të tjerë, që ranë përpara tij në pistë gjatë kualifikimeve, por ai kapi timonin e një biçiklete tjetër dhe fluturoi në tribuna.
Dëshmitarët thanë se një person u trajtua për një prerje në krah dhe një vajzë për lëndime të paspecifikuara. Gara u pezullua pas aksidentit, në të cilin u përfshinë gjithsej tetë çiklistë dhe publikut iu desh të largohej nga velodromi, duke pezulluar më pas të gjithë aktivitetin për ditën. Një tjetër çiklist britanik, Matt Bostock , i prekur gjithashtu në aksident, u dërgua në spital me lëndime në kokë dhe shpatull. Kanadezi Mathias Guillemette u skualifikua për shkak të aksidentit të parë.
/a.r
Nuts #velodrome #crash #cycling #CommonwealthGames pic.twitter.com/KkPxZzSjhC
— Freddie King (@Freddie12989163) July 31, 2022
