Plot 33 vite kanë kaluar që kur qyteti ukrainas Pripjat është shndërruar në “qytet fantazmë”.
Vëmendja u rikthye më shumë për shkak të serialit “Çernobil”, i cili po fiton gjithnjë e më shumë popullaritet, i cili po zgjon vëmendjen për katastrofën e cila ka ndodhur në vitin 1986.
Në YouTube është shfaqur videoja e qytetit të braktisur, e cila është bërë me dron, ndërsa autor i saj është Voren Urbesking. Ai, me anë të dronit, ka zhiruar pamje rrëqethëse të ndërtesa të zbrazëta, spitaleve, shkollave, parqeve për argëtim të shkatërruara e të harruara.
Një varg shpërthimesh në centralin nuklear Çernobil kanë ndodhur më 26 prill para 33 vitesh. Kjo katastrofë konsiderohet si njëra prej katastrofave më të mëdha ekologjike në histori.
Evakuimi i popullatës nuk ka filluar menjëherë, por pas dy ditësh nga një varg shpërthimesh në central. Mbi 100.000 banorë janë evakuuar nga Pripjati, ndërsa pasojat e rrezatimit i kanë ndjerë me miliona njerëz.
Së paku 500.000 njerëz nga gjithsej dy milionë të shpallur viktima të kastrofës deri tashmë kanë vdekur. Në disa nga vitet e para pas shpërthimit kanë vdekur 350.000 njerëz, të gjithë nga kanceri, ndërsa shkalla e sëmurjes ka qenë edhe tri herë më e madhe se te popullata tjetër.
