Ashtu siç edhe ishte parashikuar, sot është hapur sheshi “Skënderbej” për qytetarët e Tiranës dhe gjithë Shqipërisë.
Me këtë rast, një koncert festiv ëhstë organizuar nga bashkia e Tiranës me mijëra qytetarë të pranishëm.
Për ta bërë edhe më të veçantë këtë ditë, artistë të shumtë performojnë para të pranishmëve. Në koncert është i pranishëm edhe kryeminsitri Edi Rama, përkrahë kryebashkiakut Erion Veliaj.
“Shpaloset xhevahiri më i madh i kurorës së Rilindjes Urbane, Sheshi Skënderbej, që do të rrezatojë nga sot e për shumë mote të tjera, dritën e pasionit dhe forcën e ambicies sonë për Shqipërinë që duam”, shkruan Rama në facebook.
Në program janë “Fragment nga Eposi i Kreshnikëve”, “Himni Kombëtar”, “Valle e Tiranës”, “Valle e Ansamblit Folklorik të Rugovës”, “Këngë arbëreshe”, “Orkestrale e Mirditës”, etj.
Sheshi “Skënderbej” është shtruar me gurë nga të gjitha trojet shqiptare dhe do të jetë tërësisht në dispozicion vetëm të këmbësorëve.
Rama:Me dridhen gjunjet nga emocionet
Në fjalën përshëndetëse, Kryeministri Rama zbuloi dhe disa nga emocionet e tij për transformimin e këtij sheshi, simbol të shqiptarëve, ndërsa tha se ky ndryshim nuk do të ishte i mundur pa kryebashkiakun Erion Veliaj.
“Hera e parë që nuk shkruaj dot një fjalim. Më dridhen gjunjët, besojeni ose jo, është nga fjalimet e rralla që do të jetë i shkurtër. Kam kaluar në shesh para disa ditësh dhe nuk i mbaja dot lotët, sepse e kam besuar shumë fort në zemër dhe në mendjen me të gjithë e qenies sime, që Shqipërisë i duhej ky shesh dhe ka pasur momente, që jam dorëzuar duke menduar se nuk do të bëhet kurrë. Dhe kur ecnim atë natë me Lindën më dukej e pabesueshme, që megjithë se zgjati 10 vite sheshi i Skënderbeut rilindi dhe ambicia jonë për Tiranën fitoi. Pa diskutim, që nuk do të ishim këtu nëse nuk do të kishim Lali Erin, i jam mirënjohës që e mori projektin dhe e çoi deri në fund”, tha Rama teksa shtoi se ndihet një nga më të lumturit. “Sa shumë gjëra më vijnë sot pas 10 vitesh duke e ëndërruar këtë ditë dhe këtë shesh, tani që sheshi është këtu, para syve të mi, besomëni, jam gati të bëj një garë në këtë moment dhe ta fitoj, jam njeriu më I lumtur mes shqiptarëve”, theksoi Rama.
Veliaj: Ky është një nga sheshet më të bukura në botë
Veliaj: Sot që e shoh sheshin me kaq shumë vëllezër e motra nga të gjitha trevat, jam i bindur se arkitektët tanë e të tjerët që i ndihmuan, i kemi dhënë një shesh dinjitoz vendit tonë. Kur shoh kaq shumë entuziazëm, kaq shumë qytetarë që kanë ardhur nga çdo anë e Tiranës, nuk ka më asnjë dyshim, kjo është një hapësirë absolutisht fantastike. Ky ëhstë një nga sheshet më të bukura në botë. Kam sot një lajm shumë të mirë. Ne nga dje jemi ftuar zyrtarisht për ta ftuar këtë shesh në bienalen e Çigagos, nga më të famshmet për arkitekturën. Si një nga projektet më të bukura sot në botë. Kur ne shqiptarët bëjmë plane të ëmdha në gjithmonë ja dalim.
