Kryeministri Edi Rama është rikthyer në Thumanë, 17 ditë pas tërmetit tragjik që e goditi më rëndë qytetin shqiptar, në jetë njerëzish dhe në godina të dëmtuara.
Me zhurmën e fadromave dhe mjeteve të rënda që janë duke punuar, kryeministri Rama ka parë nga afër punën që po bëhet për rindërtimin e këtij qyteti.
Teksa bëri edhe një premtim duke dhënë edhe afat.
“Në mars-prill kjo do jetë e rindërtuar”.
“Brenda pranveres se ardhshme do keni shtepiat ketu..”, iu tha Rama banorëve.
“Nuk është faji yt” i thote banori, ndërsa Rama me batutë iu përgjigj: Faleminderit që ma the se mendova se ishte faji im”.
Ai bëri të ditur se do të angazhohet një grup arktitektësh shqiptarë të rinj për të bërë modelin e shtëpive, duke e lidhur atë edhe me traditën shqiptare. Kusht, tha ai, do të jetë vendosja e banorëve në një zonë dhe jo të shpërndarë sipas vendit ku kanë pronat.
Kryeministri theksoi se nuk do të ndërtohet në zonën ku janë shembur shtëpitë nga tërmeti.
Rama vuri në dukje se zona ka një potencial të madh.
“Është një zonë me potencial të madh, të jashtëzakonshëm, pasi i jep vlerë edhe liqeni. Po të bëhet një rregullim i bukur bëhet një kryevepër dhe mund të tërheq edhe vizitorë, duke ndihmuar edhe ekonominë lokale”, tha Rama.
g.kosovari
