Presidenti amerikan, Donald Trump, ka përdorur së fundmi një gjuhë të drejtpërdrejtë dhe provokuese ndaj princit saudit Mohammed bin Salman.
Videoja e fjalimit të tij gjatë Future Investment Initiative ka bërë xhiron e rrjetit, duke shkaktuar reagime të shumta online. Sipas Trump, princi duhet të ketë një qëndrim më të përulur ndaj Shteteve të Bashkuara.
“Ai nuk e priste se do t’i duhej të më puthte b****… nuk e kishte imagjinuar fare”, tha Trump (me fjalë banale) në video, duke treguar atë që e përshkroi si një ndryshim të qasjes së Arabisë Saudite ndaj Washingtonit. Ai shtoi më tej se Princi i Kurorës “duhet të sillet mirë me të”, duke theksuar atë që e konsideronte një ndikim më të fortë amerikan.
Duke vijuar, Trump tha:
Ai (Mohammed bin Salman) mendonte se do të isha thjesht një tjetër president amerikan i dështuar dhe se vendi do shkonte drejt rënies. Por tani duhet të sillet mirë me mua! I thoni se bën mirë të sillet mirë me mua! Ai duhet ta bëjë!
Vetëm disa ditë më parë, Trump e kishte përshkruar Mohammed bin Salman si një “luftarak” në koordinim me Shtetet e Bashkuara, veçanërisht në kontekstin e tensioneve me Iranin. Duke folur për gazetarët, ai tha:
Ai është një luftarak. Ai lufton me ne!
Trump po përzien kritikat me komplimentet, duke nënvizuar rolin e tij në marrëdhëniet ndërkombëtare dhe pritshmëritë ndaj aleatëve të SHBA-ve në Lindjen e Mesme.
⚡️⭕️ Trump talking about Saudi Crown Prince Mohammed Bin Salman:
He didn’t think he would be kissing my ass, he really didn’t…and now he has to be nice to me….he better be nice to me, he’s gotta be.. pic.twitter.com/uKx33oATek
— Middle East Observer (@ME_Observer_) March 28, 2026
