Kreu i PD-së Lulzim Basha ditën e sotme ka vendosur që të ecë në rrugët e Tiranës, duke takuar banorët e kryeqytetit.
Ai nuk ka ngurruar që të futet në lokale, ku ka takuar edhe fëmijë. Ndërsa, ai ka vendosur edhe pulla në dyqane të ndryshme, ku sipas tij, në qeverisjen e Bashës, çdo biznes që ka atë pullë do të konsiderohet biznes i vogël.
Po ashtu, kreu i PD-së ka deklaruar se nuk do të lejojë asnjë taksidarë të hyjë në bizneset e qytetarëve, për të vendosur gjoba apo për të kërcënuar ato.
“Duke u takuar e folur me qytetarët e Tiranës për hallet dhe nevojat e tyre. Plani im për një ekonomi të fortë do të krijojë vende pune dhe do të përmirësojë ekonominë e të gjithë qytetarëve. Fitore”- shkruan Basha.
