Një autobus pasagjerësh që sipas raportuesve nga vendngjarja mendohet të jetë i linjës Fier-Tiranë, ka bërë një çmenduri të vërtetë ditën e sotme në autostradën Tiranë-Durrës. Një makinë pas tij, e ka filmuar duke ecur me një shpejtësi të paktën prej 120 Km/h.
Përveç faktit se kufiri maksimal i shpejtësisë në atë autostradë është 90 Km/h, çmenduria e shoferit ka rrezikuar jetën e dhjetra pasagjerëve të pranishëm në autobus, pasi siç duket autobusi është i një viti prodhimi të vjetër dhe në rast të ndonjë avarie apo nevoje të shpejtë frenimi, nuk është e sigurt se sa mirë do të përgjigjej teknikisht./JetaOshQef/a.m.
