Endrit Mërtiri është një prej aktivistëve të arrestuarve pas protestës së djeshme, kundër shembjes së Teatrit Kombëtar.
TemA ka siguruar videon në momentin kur aktivisti ka goditur një prej efektivëve të policisë. (TemA)
Policia e Shtetit gjithashtu ka publikuar disa foto të efektivëve të cilët mbetën të plagiosur nga protesta e djeshme për shembjen e Teatrit Kombëtar.
Sipas uniformave blu, ata janë kundërshtuar me dhunë nga persona që ishin grumbulluar për të mos lejuar prishjen e godinës, duke tentuar që të pengonin autoritetet në zbatimin e vendimit.
”Disa persona nga radhët e tubuesve kanë qëlluar herë pas herë në drejtim të forcave të Policisë, me sende të forta dhe shkopinj, duke lënduar 7 punonjës policie në detyrë. Punonjësit e lënduar janë efektivë të Patrullave të Përgjithshme dhe të forcës së posaçme “Shqiponja”, thuhet në njoftim.
Ata kanë marrë ndihmën e parë në spitalin e Traumës dhe spitalin “Nënë Tereza” dhe janë jashtë rrezikut për jetën.
