Të tilla skena janë parë nëpër filma. Një operacion po zhvillohet prej disa orësh në detin e Vlorës, ku Delta Force dhe Guardia di Finanza është në ndjekje të një gomone me të paktën dy persona brenda.
Prej tre orësh efektivët janë në ndjekje të mjetit tip gomone, pasi nuk iu bind urdhërit për të ndaluar.
Raportohet se ndjekja ka vijuar nga zona e Zvërnecit, plazhi i vjetër për në Orikum, në drejtim të grykëderdhjes së Vjosës.
Në ndjekje përveç 7 mjeteve lundruese të policisë është dhe një helikopter dhe një dron.
Gomonia besohet të ketë ardhur nga Italia dhe u fut në territorin e ujërave shqiptare.
g.kosovari
