Dy persona u arrestuan nga policia, pasi u kapën me një sasi prej 5 kilogramësh tritol.
Agjentët e Komisariatit të Policisë Nr.5, fillimisht kanë konstatuar Ndue Bushatin, teksa po ecte dhe kishte një qese me vete, por lëvizjet e tij shtetasi kanë qenë të dyshimta.
Pasi kanë bërë ndalimin e tij, punonjësit e policisë kanë konstatuar në brendësi të qeses plot 11 kallëpe me lëndë eksplozive, e dyshuar tritol, me peshë 450 gramë secili.
Nga marrja në pyetje, 27-vjecari konfirmoi se lëndën e kishte marrë në aksin rrugor Fushë Krujë-Laç nga shtetasi Maliq Lika, i cili e kishte porositur ta dërgonte në Tiranë.
Menjëherë janë nisur shërbimet të cilët bënë të mundur kapjen e këtij shtetasi, të cilit gjatë kontrollit iu gjetën e sekuestruan në cilësinë e provës materiale 85 fishekë, model 56.
Në videon e publikuar duket momenti kur policia shtrin në tokë 27-vjeçarin dhe e dërgon me pranga në duar në Komisariat./a.m.
