Ishte rreth orës 11:45, kur Sali Berisha shkon në oborrin e selisë së Partisë Demokratike dje. Situata ishte e tensionuar, pas përplasjes me anëtarin e Kryesisë së PD Roland Bejko, por ende nuk kishte asnjë sulm nga të gjitha drejtimet në godinë.
Këto janë pamje u transmetuan live në Report Tv, nga protesta e mbështetësve të Sali Berishës të thirrur për të marrë kontrollin e selisë së PD kohën kur Basha me deputetët po zhvillonte një mbledhje. Me të mbërritur në oborr, në këtë moment Sali Berisha shfaqet duke udhëzuar turmën. Ky gjest përsëritet disa herë.
Më pas nisi beteja prej dy orësh e shkatërrimit dhe thyerjeve, deri kur policia u thirr nga Lulzim Basha dhe deputetë të tjerë që të vinte nën kontroll situatën.
Nuk dihet nëse policia dhe grupi i hetuesve i kanë marrë në shqyrtim këto pamje, për t’i kërkua më pas Berishës sqarim.
Mbështetësit e Berishës kishin shkuar dje në godinën e PD të përgatitur. Ata janë filmuar duke mbajtur në duar qese me pllaka guri. ta kishin marrë me vete edhe një tra të madh prej hekuri, që u përdor për të thyer dyert.
Sendet që mbanin njerëzit Berishës ishin kryesit vegla pune, shkallë për tu ngjitur në katin e dytë, leva hekur, vare apo edhe matrapik.
Ish-kryeministri u shpreh se protesta ishte paqësore. Protestuesit thyen dyer dhe dritare të selisë blu, duke shkaktuar dëme të konsiderueshme në zyrën e kryetarit, por edhe në zyrat e tjera, megjithatë nuk dihet nëse grupi hetimor do të ndalet vetëm me të shoqëruesit e të rinjtë e arrestuar apo edhe tek autori I urdhërit për një betejë të tillë shkatërrimtare./ shqiptarja.com/
/b.h
