Afro 2.000 persona pluskuan në një vijë në një liqen të kripur në Argjentinë, duke vendosur një rekord të ri botëror Guinness për numrin e personave që pluskojnë teksa mbajnë duart.
Anëtarë të Librit të Rekordeve Guinness certifikuan se 1.941 persona pluskuan njëkohësisht për 30 sekonda në liqenin Epecuen, i ndodhur në jug-lindje të provincës së Buenos Aires. Rekordi i mëparshëm ishte vendosur në 28 qershor 2014 nga liqenin e Diellit dhe Hënës në Taivan, ku 634 persona pluskuan në një linjë, duke përdorur pajisje noti.
Pjesëmarrësit në Argjentinë nuk patën nevojë për pajisje ndihmëse, pasi uji i liqenit Epecuen është tepër i kripur. Liqeni është hiperdetar dhe përmban të paktën 10 herë më shumë kripë se deti, duke i ndihmuar pjesëmarrësit të pluskojnë natyralisht, sipas organizatorëve.
Rekordi botëror u vendos gjatë një festivali të turizmit termal lokal. Liqeni është i krahasueshëm vetëm me Detin e Vdekur dhe është i dobishëm për qetësim, sipas autoriteteve vendore.
Vizitohet çdo vit nga vizitorë të panumërt të cilët shijojnë perëndimin mbi liqen, plazhin ekologjikisht të qendrueshëm dhe Villa Epecuen, një qytet i famshëm spaje dhe resort në brigjet e liqenit.
Në 1985, qyteti u përmbyt kur liqeni doli nga shtrati për shkak të reshjeve të dendura. Rezidentët dhe turistët u detyruan të evakuoheshin pasi shtëpitë dhe godinat u fundosën nën thuajse 10 metra ujë të kripur.
Ndërtesat në qytet tashmë janë ngritur mbi ujin dhe zona është kthyer sërish në një pikë turistike, ku vizitorët shijojnë atmosferën apokaliptike./oranews/a.k
