Gjatë 12 orëve të fundit goditen 2 raste të Trafikut të lëndëve narkotike.
1 rast i trafikut ndërkombëtar të drogërave të forta dhe 1 rast prodhim-shitje lëndë narkotike e llojit Cannabis Sativa.
-Sekuestrohet nga Policia Kufitare Kakavije 2 kg Heroinë.
Në pranga shtetasi Alban Kapllari, 36 vjeç , banues në Tiranë .
-Sekuestrohen nga Policia e Beratit 16 kg Cannabis Sativa.
Arrestohet në flagrancë shtetasi Kastriot Bregu 58 vjeç, banues në Skrapar.
Kakavije
Në dalje të Republikës së Shqipërisë është paraqitur shtetasi Alban Kapllari me mjetin mikrobus të linjës Shkodër-Athinë, me targa AA 487 LY. Pas regjistrimit në sistemin TIMS nga punonjësit e Policisë Kufitare, mjeti ka kaluar në vijën e dytë për një kontroll më të imtësishëm.
Gjatë kontrollit të ushtruar në vijen e dytë, në frigoriferin e këtij automjeti kishte disa pako me lëndë të dyshuar narkotike Heroinë.
Gjatë kontrollit të imtësishëm nga grupi hetimor, në frigorifer u gjetën 4 pako me lëndë narkotike të dyshuar Heroinë, me peshë totale 2 kg.
________________
Berat
Sekuestrohen nga Policia e Beratit 16 kg Cannabis Sativa. Arrestohet në flagrancë shtetasi Kastriot Bregu 58 vjeç, banues në Skrapar.
Arrestimi i këtij shtetasi i bë pasi në bazë të informacioneve të siguruara në rrugë operative dhe gjatë kontrollit të ushtruar në banesën e shtetasit Kastriot Bregu, iu gjetën dhe sekuestruan në cilësinë e provës materiale:
7 pako të mbështjella me letër natribani me peshë 16 kg lëndë narkotike e dyshuar Cannabis Sativa./a.m.
