Edhe pse është vetëm 20 vjeç, Dorina është padyshim modelja më e kërkuar në vendin tonë. Nuk e quan veten të famshme dhe në fakt nuk është ky qëllimi i saj, por dashamirësinë e publikut e ndjen në çdo projekt të sajin. Ashtu edhe si shumë kolege të sajat, Dorina aspiron botën e televizionit. Natyrisht që aktualisht është fokusuar tek modelingu, edhe pse ka marrë ftesa të shumta. E në fund nuk harron pa na premtuar një verë të nxehtë, ku bukuroshja do të shkëlqejë në provën e kostumit të banjos.
Dorina si një prej modeleve më të pëlqyera nga publiku si ia keni dalë?
Faleminderit, nuk kam bërë asgjë të veçantë në fakt, thjesht kam qenë e përkushtuar në punën time, pa bërë eksperimente në look-un tim, dhe mbi të gjitha duke punuar me njerëzit e duhur.
Sa e keni ndjerë mbështetjen e publikut në karrierën tuaj?
Gjithmonë. Dua të them, nuk është se kam një lidhje të drejtpërdrejtë me të, por duke parë punën time, kërkesën, besoj që kam pasur dashurinë e mbështetjen e tyre, duke pëlqyer imazhin tim.
Mendoni se jeni modelja më e famshme në vendin tonë?
Nuk jam unë që mund ta them këtë, në të vërtetë nuk është as qëllim në vetvete ky, siç e preka dhe më lart më pëlqen puna ime, jam dhe shumë e përkushtuar. Sigurisht në këtë mënyrë dhe po më “shpërblehet” shumë mirë.
A keni menduar të bëni karrierë jashtë kufijve të Shqipërisë?
Besoj që kjo do jetë e ardhmja ime.
A ëndërron Dorina të jeni pjesë e Victoria Secret?
Kjo është ëndrra e çdo modeleje të jetë një ndër engjëjt e Victorias.
Nëse nuk do të ishit marrë me modeling çfarë do të ishte profesioni juaj sot?
Mendoj se do isha pjesë e televizionit, ose kinemasë.
Jeni vetëm 20 vjeç a ju tremb fama në këtë moshë kaq të re?
Jo, sepse siç thashë më lart më pëlqen puna ime dhe fama nuk është qëllim në vetvete.
A ka raste që jeni penduar për rrugën që keni zgjedhur?
Jo.
Shpesh modelet zgjedhin edhe rrugë të tjera, në televizion, ju e keni menduar ndonjëherë?
Për momentin jo, por s’e di ç’mund të ndodhë në të ardhmen.
A do ta shikojmë ndonjëherë Dorinën si aktore, këngëtare apo moderatore, keni marrë ftesa?
Kam marrë, por siç thashë i jam përkushtuar modelingut, asgjë tjetër për momentin nuk është pjesë e planeve të mia të afërta.
Shpesh herë modelet përfshihen edhe në skandale, si ja keni dalë që të qëndroni larg?
Kjo më shumë se pjesë e profesionit, është pjesë karakteri, kjo është dhe përgjigjja ime.
A njeh Dorina femra që janë bërë modele me një mashkull që i sponsorizon?
Jo.
Çfarë mendoni për to?
Asgjë, nuk besoj në legjenda të tilla urbane, mendoj se për çdo profesion duhet talent dhe jo sponsor. Mbi të gjitha në modeling.
Një ndër femrat më të bukura në vend a keni një mashkull në krah?
Jo.
Sa e nxehtë do të vijë Dorina këtë verë?
Po punoj me disa fushata me bikini, kështu që, besoj do jetë e nxehtë.
BW/d.i.
