Brenda kësaj jave do të zhvillohen dy seanca në Kuvendin e Shqipërisë.
Lajmi bëhet i ditur nga diskutimet në grupin parlamentar të Partisë Socialiste.
E para do të jetë ditën e enjte, ku parashikohet që të rrëzohet dekreti i Presidentit Meta për buxhetin, i cili e riktheu për shqyrtim për të reflektuar kërkesat e studentëve.
Ndërsa seanca e dytë do të zhvillohet ditën e premte për vettingun në politikë. Nisma e PD është rrëzuar nga Komisioni i Venecias, ndërsa të premten pritet që të rrëzohet edhe drafti i PD-së që u depozitua në Kuvend në datë 7 shtator.
Burime nga grupi bëjnë të ditur se deputeti, Pjerin Ndreu ka shprehur ankesa për pjesëmarrjen e ministrave në komisione.
“Duhet që me ministrat të koordinohemi. Kemi marrëveshjen e llogaridhënies”, ka deklaruar Ndreu
Ende nuk dihet nëse PD dhe LSI do të marrin pjesë në seancën e ditës së enjte.
a.çupaj
