Mbrëmjen e sotme në emisionin ‘Studio e Hapur’ me gazetaren Eni Vasili, po diskutohet rreth efekteve të Vettingut në polici. I ftuar në studio zv/ministri i Brendshëm, Julian Hodo ritheksoi edhe një herë se gabimet materiale nuk do ti penalizojnë punonjësit e policisë.
Ndërsa kreu i sinidikatës së policisë, Sadetin Fishta tha se shumë punonjës nuk kanë mundur të plotësojnë formularët e Vettingut.
Debati:
Hodo: “Nga sot e mbrapa jemi në fazën e përzgjedhjes nga komisioni jashtëm i vlerësimit. Ky komision ka 15 anëtar dhe nga ky moment që flasim të gjithë ata që janë të interesuar për këto vende mund të aplikojnë.”
Hodo: “Procesi i dorëzimeve është mbyllur dje. Vetëm një 2 % i punonjësve nuk kanë dashur ti nënshtrohen këtij procesi. Gabimet materiale nuk do ti penalizojnë”
Fishta: “Kemi pas ankimime si sindikatë. Kemi kërkuar kohë, pasi mendojmë se ka të tjerë që nuk i kanë dorëzuar ende formularët. Gjithë ky proces është mbyll, por faza e parë nuk është vetëm kjo. Shumë punonjës nuk kanë mundur të plotësojnë këto formularë të vettingut”
Hodo: “Ligji nuk kërkon dokumentacion. Afati është ligjor dhe për të ndryshuar afatin duhej të ndryshonte ligji. Projektligji më së pari është konsultuar me punonjësit e policisë.”
Fishta: “Me kë e keni bërë këtë konsultim?”
Hodo: “Ka pas edhe contribute nga publiku i thjeshtë”
Fishta: “Duhet të dini që kemi një kontratë kolektive që është në fuqi ku thuhet që sindikata duhet të jetë në çdo grup pune për të hartuar akte ligjore. Projektligjin e kemi marrë përmes mediave, por kohë ka qenë e pamjaftueshme për tu njohur me këtë ligj”./Hapur.al
a.ç
