Ministria e Brendshme publikon emrat e drejtuesve të Policisë së Shtetit të cilët do të kalojnë në “sitën” e vetingut gjatë kësaj jave, për të zbuluar nëse janë të denjë për vijimin e detyrës.
Bëhet me dije se Komisioni i Jashtëm i Vlerësimit do të zhvillojë këtë javë seancat e parë të procesit të vlerësimit kalimtar të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesat në Ministrinë e Brendshme, sipas këtij kalendari:
Për Oltion Shehun shef i sektorit të Ankesave, SHÇBA, seanca dëgjimore do të mbahet në Pallati i Koncerteve (ish-Pallati i Kongreseve), Salla B, Kati 0, ditën e martë më 5 nëntor, ora 12.00.
Trupa e Vlerësimit përbëhet Marjeta Gjelaj, Ela Kerka, Ana Kapaj.
Për Adriatik Ago, Zv.drejtor i Përgjithshëm, SHÇBA, seanca do të mbahet ditën e premte në 8 nëntor 2019, ora 12:00. Trupa e Vlerësimit përbëhet nga: Ana Kapaj, Elvira Daberdaku, Elida Liko.
g.kosovari
