Teksa fillimisht procesi i vetingut nisi për gjyqtarët dhe prokurorët, tashmë ka nisur edhe me drejtuesit e lartë të Policisë së Shtetit.
Gjatë kësaj javë janë parashikuar që të mbahen seancat dëgjimore me katër zyrtarë të lartë.
Ata do të të dalin para komisionit të jashtëm të vlerësimit të verifikimit, ku do të verifikohet kriteri i pasurisë, pastërtisë së figurës dhe aftësitë profesionale.
Ditën e sotme në orën 10.00 është parashikuar seanca për Gramos Sakon me funksion Komandant i Gardës së Republikës së Shqipërisë.
Trupa e vlerësimit për të përbëhet nga Mirela Ujkani (Miti), Alban Laska dhe Artur Baku.
Po sot në orën 12.30 do të mbahet seanca dëgjimore ndaj Gledis Nanos, drejtor i Drejtorisë së Antiterrorit, Drejtoria e Përgjithshme e Policisë së Shtetit.
Trupa e vlerësimit për të përbëhet nga Nertila Sadedini, Adriana Meko dhe Arta Lleshi.
Ndërkohë ditën e nesërme, më 6 shkurt në ora 12.00 do të mbahet seanca për drejtorin e Policisë së Shtetit, Ardi Veliun.
Trupa e vlerësimit që do të shqyrtojë rastin e tij përbëhet Mirela Ujkani (Miti), Alban Laska dhe Artur Baku.
Artan Shkëmbi me funksion Drejtor i Drejtorisë Hetimore Qëndrore, në Departamentin për Policinë Kriminale pranë Drejtorisë së Përgjithshme të Policisë së Shtetit do të dalë para komisonit në orën 10.00 të së premtes së 7 shkurtit.
Trupa e vlerësimit ndaj tij përbëhet nga Alban Laska, Artur Baku dhe Mirela Ujkani (Miti).
g.kosovari
