Kryetari i Këshillit të Lartë të Prokurorisë, Gent Ibrahimi vlerësoi procesin e vetingut në radhët e gjyqtarëve dhe prokurorëve si një nga rritjet më të mëdha shoqërore në Shqipëri.
Gjatë një interviste për “Quo Vadis”, ai tha se vetingu meriton një duartrokitje të madhe se me të duhet të krenohen të gjithë.
“Vetingu dhe rezultatet e tij janë një nga arritjet më të mëdha shoqërore dhe politike për Shqipërinë e pas viteve 90. Ne e dimë që që nga 90 e këtej edhe për shkak të traditës politike edhe për shkak të institucioneve dhe të ligjeve, ne nuk kemi arritur të qeverisim në një mënyrë optimale. Pa dyshim vetingu meriton një duartrokitje të madhe. Së fundmi morëm edhe konfirmimin maksimal përsa i takon kushtetueshmërisë dhe përputhjes të proçesit të vetingut me Konventën Europiane të të Drejtave të Njeriut. Kështu që padyshim që vetingu është një risi, është një prurje e madhe është një rezultat për të cilin duhet të jemi krenar të gjithë”, u shpreh Gent Ibrahimi për “Vizion Plus”.
g.kosovari
