Duke marrë “shembull” diçka që ka thënë më parë ish kryeministri Berisha, ambasadori i SHBA-ve Donald Lu ka paralajmëruar opozitën se opinioni i Komisionit të Venecias për ligjin e Vettingut duhet pranuar. Lu ju referua deklaratave të Berishës muaj më parë kur ai thoshte se opinioni i Venecias është baza më solide mbi të cilën duhet ngritur reforma dhe se mendimi i vyer i kryetarit të këtij komisioni duhet të jetë një shtyllë nën të cilën të gjitha palët duhet të afrohen.
Me të njëjtën logjikë, Ambasadori Lu i ka kërkuar në mënyrë indirekte opozitës, që me afrimin e ditës kur Komisioni i Venecias do të shpallë publikisht mendimin e tij për Vettingun ( e çuar në kushtetuese dhe kundërshtuar nga PD), opozita ta pranojë si të tillë dhe të mos e kundërshtojë. Komisioni i Venecias publkon opinionin e tij me datë 9 dhjetor, teksa “thumbi” i Lu-së për Berishën ka ardhur që sot…
“…pyetja me të cilën po ju lë është si do të luftohet korrupsioni i nivelit të lartë në drejtësi. Kjo nis me Vettingun… pasi të jenë rivlerësuear mjaftueshëm prokurorë, prokurorët vetë, tashmë të pastër, do të përzgjedhin këshillin e lartë të Prokurorisë, më pas SPAK-un e në fund Byronë e Hetimit.
Është bërë shumë kujdes që të krijohet një sistem i pavaruar dhe është izoluar nga trysnitë politike. Kërkohet gjithashtu që edhe populli shqiptar ta vëzhgojë këtë proces me shumë kujdes, që asnjë prokuror, politikan apo gjyqtar të mos ndikojë.
Jam dakort me Sali Berishën, i cili ka dalë para disa kohësh dhe ka thënë se opinioni i Komisionit të Venecias ofron baza solide për ti dhënë vendit reformën më të mirë të drejtësisë. Ai tha se shpreson se të gjitha forcat politike shqiptare duhet të mbështeten tek këshilla e urtë e kryetarit të Komisionit të Venecias.
Kam besim në mencurinë e popullit shqiptar i cili është i lodhur me korrupsionin në vend.”- tha Lu.java/a.k
