Largimi i një numri të konsiderueshëm gjyqtarësh nga sistemi pasi nuk kaluan filtrat e Vettingut për shkak të mosjustifikimit të pasurisë, ka bërë që gjyqësori të përballet me vakanca të paparashikuara. Kuvendi ka propozuar një mekanizëm zhbllokues me qëllim plotësimin e boshllëqeve nga largimi i gjyqtarëve.
Projektligji i deputetëve të maxhorancës Ulsi Manja dhe Klotilda Ferhati parashikon hapjen e pranimeve në Shkollën e Magjistraturës. Ky ndryshim në ligj do të vlejë deri në krjimin e KLGJ-së dhe KLP-së, dy institucione që përcaktojnë kuotat në gjyqësor dhe prokurori.
Sipas këtij projektligji, deri në krijimin e Këshillit të Lartë Gjyqesor dhe Këshillit të Lartë të Prokurorisë dhe me qëllim plotësimin e nevojave për funksionimin e sistemit të drejtësisë, ngarkohet Shkolla e Magjistraturës të organizojë, jo më vonë se muaji tetor, konkursin për pranimin e 25 kandidatëve për magjistratë për vitin akademik 2018-2019, dhe të dyfishit të ketij numri për vitin akademik 2019-2020.
Ndarja e profilit si gjyqtar dhe prokuror për kandidatët fitues për çdo vit akademik do të jetë përkatësisht 3/5 gjyqtarë dhe 2/5 prokurorë, që përcaktohet nga Këshilli Drejtues i Shkollës së Magjistratures, sipas renditjes perfundimtare.
Projektligji i propozuar
Ne keto kushte, kur Keshillat nuk jane krijuar ende, dhe kandidatet qe do te diplomohen ne vitin 2018 nuk mund te emerohen dhe as te caktohen ne pozicion, vleresohet se e vetmja zgjidhje eshte marrja e iniciatives legjislative per te bere nje ndryshim ne nje prej dispozitave ligjore te ligjit nr. 96/2016, ne menyre qe te lejoje Keshillin e Larte te Drejtesise dhe Prokurorin e Pergjithshem te emeroje dhe caktoje ne pozicione kandidatet magjistrate te diplomuar, deri ne krijimin e Keshillit te Larte Gjyqesor dhe Keshillit te Larte te Prokurorise.
Per sa me siper, propozoj projektligjin bashkelidhur per disa ndryshime dhe shtesa ne ligjin
96/2016, “Per statusin e gjyqtareve dhe prokuroreve ne Republiken e Shqiperise”.
a.ç
