Avokati i Popullit, Igli Totozani, bëri të ditur pak minuta më parë se lista me 84 kandidatë për komisionet e vetingut i ka shkuar tashme Operacionit Ndërkombëtarë të Monitoriomit për shqyrtim të mëtejshëm, sipas procedurave ligjore në fuqi. Sipas tij, pas përfundimit të procesit seleksionues rezulton se numëri i kandidatëve që plotësojnë kriteret ka shkuar në 84, ndërsa 109 nuk i kanë plotësuar.
“Numri i kandidatëve që kanë plotësuar kriteret është 84, ndërsa 109 kandidatë nuk i kanë plotësuar kriteret. 27 marsi është afati ligjor ku dokumentet do të konsiderohen të vlefshme. Aktualisht kemi dorëzuar pranë ONM-së listën me emrat e kandidatëve që kanë plotësuar dhe nuk kanë plotësuar dokumentet. Edhe në këtë fazë puna e institucionit u realizua me përkujdes dhe seriozitet. Kandidatët janë asistuar gjatë gjithë kohës për dokumentet e kërkuara, ndërsa falënderoj ONM për ndihmën dhe përkushtimin që kanë treguar duke mbyllur këtë punë voluminoze. Falenderoj edhe kandidatët që u bënë pjesë. Listat e kandidatëve do t’i gjeni në faqen e Avokatit të Popullit”, deklaroi Totozani. /javanews.al/ma.me
