SPECIALE JAVANEWS/ Mjafton të analizosh në linjë lineare qëndrimin e PD-së kundër Reformës në Drejtësi, sidomos kundër vetting-ut nga ndërkombëtarët, për të kuptuar qartazi se ajo ka një sërë arësyesh që kjo reformë të jetë e cungët dhe mundësisht e shtyrë për në “kalendat greke”. Kjo pasi ajo realisht nuk është e interesuar që shumë afera të qeverisjes së saj thellësisht korruptive, të mos zbardhen kurrë. Personazhe të këtyre skandaleve seriale, janë disa prej figurave qendrore të kësaj partie, duke filluar që nga kryetari aktual i PD-së, ish- kryeministri Berisha dhe një rradhë e gjatë ish- ministrash të qeverisë “Berisha”.
Në draftin paralel të opozitës parashikohet që organet e rivlerësimit, konkretisht Komisioni i Rivlerësimit, Kolegji i Apelimit dhe vëzhguesit ndërkombëtarë të hetojnë vetëm dosjet e tre viteve të fundit të gjykuara nga gjyqtari apo të trajtuara nga prokurori. Pikërisht për përcaktimin e afateve të rivlerësimit të gjyqtarëve dhe prokurorëve, ekspertët e opozitës kanë shtuar një nen të posaçëm.
Në pikën katër të nenit 6 të projektit të PD, ku flitet për periudhën e rivlerësimit, thuhet se, si rregull, vlerësimi profesional përfshin çështjet e trajtuara nga subjekti i rivlerësimit në 3 vitet e fundit të periudhës së rivlerësimit. Edhe vlerësimi i pastërtisë etiko-morale të figurës së prokurorit dhe gjyqtarit, sipas variantit të PD, shtrihet për periudhën nga data 1 Janar 2012 dhe deri në ditën e dorëzimit sipas këtij ligji të deklaratës së detajuar për figurën të subjektit të rivlerësimit.
Që në krye të herës PD-ja ka këmbëngulur që objekt i këtyre hetimeve të mos jetë qeverisja e saj, por vetëm periudha nga viti 2013 e këtej, kohë në të cilën ajo dorëzoi pushtetin. Në disa tekste gjenden të shkruara këto pretendime të PD-së, të cilat synojnë të amnistojnë të gjithë bëmat e qeverisjes së saj nga viti 2005 deri në vitin 2013. Fakti që kjo kërkesë e saj këmbëngulëse është hedhur poshtë, ka bërë që PD-ja të marrë edhe një qëndrim zyrtarë kundër vetting-ut, pasi ky proces jo vetëm që do të zhbëjë mburojat e saj politike në sistemin e drejtësisë, por nga ana tjetër do t’i hapë rrugë hetimeve për aferat e çdo lloji, duke përfshirë thuajse një pjesë të konsideruesdhme të çështjeve madhore korruptive dhe kriminale që kanë bashkëshoqëruar tranzicionin shqiptar gjatë këtyre 25 viteve.
Është shumë e vështirë që SPAK të mbuloj “diellin me shoshë” sa i përket aferës korruptive të vjedhjes së mbi 200 milion eurove të rrugës Durrës- Kukës, në të cilën është i përfshirë “këmbë e kokë” kryetari aktual i PD-së, Basha. Kjo aferë është provuar qartazi nga prokuroria mbi bazën e dokumentave “e zeza mbi të bardhë”. Por Basha arriti t’ia hedhë jo sepse u gjykua dhe doli i pafajshëm, por nëpërmjet raporteve mjekësore.
Një çështje tjetër është edhe Gërdeci, ku një fshat i tërë u shfaros dhe 26 persona humbën jetën, si pasojë e një afere të pastër korruptive në të cilën ishin përfshirë organe shtetërtore, familjarë të ish- kryeministrit Berisha. Vetëm për qëllime korruptive qeveria “Berisha” hartoi edhe kuadrin ligjor, i cili i hapi rrugën trafikut të armëve dhe fishekëve, trafik i cili pati pasoja tragjike për një fshat të tërë dhe punonjësit në këtë pikë demontimi, me pasojë vrasjen e 26 personave. Nga etja për fitime sa më të mëdha dhe siç është provuar demontimi po kryhej në kushte primitive, gjë që solli si pasojë edhe katasrofën. Dosja “Gërdeci”, nëpërmjet presionit politik ndaj drejtësis nga ana e qeverisë Berisha, e cila ishte dhe përgjegjësja për këtë tragjedi, është “groposur”, siç u groposën edhe 26 të vrarët në Gërdec.
Por a mbarojnë këtu skandalet? Apsolutisht jo. Një çeshtje tjetër e nxehtë është edhe vrasja e 4 protestuesve të pafajshëm me 21 janar 2011, vetëm 20 metra poshtë zyrës së ish- kryeministrit, Berisha. Vrasjet ishin publike nga godina e kryeministrisë. Por ashtu si dhe më Gërdecin, u ndoq e njëjta strategji nga ana e qeverisë Berisha. Presion politik dhe shantazhe për ta mbyllur 21 janarin për të groposur këtë dosje ashtu siç u groposën edhe 4 të vrarët në Bulevard.
Këto janë disa prej çështjeve të bujshme publike, por janë edhe një sërë aferash të tjera korruptive, sidomos me koncesionet, ku ish ministra dhe zyrtarë të PD-së kanë futuar duart thellë duke rrjepur deri dhe qindrakat nga buxhetit I shtetit në dëm të qytetarëve të këtij vendi. Ja pse PD-ja, dhe personalisht Berisha dhe Basha nuk janë të interesuar që vetting të bëhet nga ndërkom,bëtarët, ose edhe nëse bëhet nga ndërklombëtarët periudha e qeverisjes së tyre 8 vjeçare të jetë jashtë sferës së hetimit.
ma.me
