Piloti i Ferrarit, Sebastian Vettel ka dominuar në provat e lira për Çmimin e Madh të Monacos.
Britaniku Lewis Hamilton rezultoi më i shpejti në sesionin e parë të provave, Vettel dominoi të dytat duke u bërë i vetmi pilot që e uli kohën e xhiros së tij nën kufirin e 1 minutë e 13 sekondave.
Katër herë kampioni i botës e përshkoi pistën e krijuar me rrugët e Principatës për 1 minutë 12 sekonda e 720 të mijtat duke treguar edhe njëherë formën e shkëlqyer që ka ai dhe Ferrari.
Në vendin e dytë u rendit Daniel Ricciardo me 487 të mijtat më shumë se Vettel, ndërsa kohën e tretë më të mirë e shënoi piloti tjetër i Ferrarit, Kimi Raikkonen i ndjekur nga Kvyat, Sainz, Verstappen e Perez.
Mercedes ishte larg kokëkuqes italiane në këtë sesion provash dhe pozicioni më i mirë i skuadrës gjermane ishte vendi i 8 i Hamilton koha e të cilit ishte 1.153 sekonda më e lartë së ajo e Vettel, ndërsa finlandezi Bottas nuk shkoi më shumë se vendi i 10./a.m.
