Sebastian Vettel është shfaqur i zemëruar me rusin Daniil Kvyat para se të hipnin në podium pas garës së Shanghait. Dy makinat Ferrari u prekën në fillim të garës, çka kushtëzoi edhe paraqitjen e tyre dhe gjermani ka akuzuar rusin se i zuri rrugën.
“Je i çmendur, u fute si torpedo”, i tha Vettel rusit, ndërsa Kvyat u përgjigj se “kështu janë garat, kishte hapësirë dhe u futa”.
“Po duhet ta marrësh me mend që ka makina edhe nga e majta. E kuptoj që është garë, por këtë herë të doli mirë”, vazhdoi Vettel.
“Unë bëj garën time, nuk shoh gjithçka që ndodh në pistë. Pastaj, jemi të dy në podium, kështu që harroje tani”, u përgjigj Kvyat.
Dueli vazhdoi në distancë edhe para kamerave, pa shtrëngim duarsh, me gjithë ftesën e intervistuesut.
“Kvyat erdhi me shpejtësi dhe u detyrova të shkoja nga e majta për ta evituar dhe nuk mund ta evitoja kontaktin me Kimin”, the Vettel.
Kvyat nuk ndryshon mendje: “Pashë hapësirë dhe hyra. Ishte manovër e rrezikshme, por nëse do podiumin kështu duhet bërë. Dhe do të vazhdoj ta bëj”.
