Jamie Harrington është djaloshi që i shpëtoi jetën një njeriu që do të vetëvritej, duke i bërë një pyetje të thjeshtë: “Je mirë?”.
Ai ka rrëfyer për Humas of Dublin se ka takuar rastësisht teksa shëtiste një person, që ishte ulur në mbajtësen e një ure, gati për tu hedhur. U ul pranë tij dhe ka nisur një bisedë plot 45 minutash. Jamie është një adoleshent 16-vjeçar dhe kuptoi menjëherë se personi që kishte përballë kishte nevojë për ndihmë dhe duhej të kurohej në spital.
Njeriu që nuk dëshiron të identifikohet, shkruan “Huffington Post”, i cili rrezikoi jetën duke kërkuar të vetëvritje, tashmë është duke u bërë baba, pasi bashkëshortja e tij pret një fëmijë, dhe sigurisht që do ta quajë si personi që i shpëtoi jetën.
Jamie ka rrëfyer për The Independent: “Ishte një çështje instikti, nuk hezitova për asnjë moment, doja të ndihmoja atë njeri që ishte në vështirësi. Shpresoj që ky gjest i imi të bëjë njerëzit të kuptojnë atë çka po ndodh në shoqërinë tonë”. Historia e Jamie ka marr 33 mijë pëlqime në faqen në Facebook të Humans of Dublin dhe është shpërndarë nga mijëra persona.
/ Top Channel
