Një banore e pallatit ku banonte Zhaneta Josifi bashkë më dy vajzat e saj ka treguar për Report Tv se vajzat nuk pranoni asnjë në shtëpi.
“Ishin vajza të shkëlqyera, ishin me shkollë të lartë. Mbase kanë pasur nevojë për psikologë. Siç thoshin komshinjtë, vajzat nuk pranoni asnjë person brenda. Thoshin që ishin predikuese, por nuk e di sepse vajzat nuk i kisha parë. Vetëm nëna e tyre dilte. Unë kam 5 vjet këtu vajzat nuk dilnin fare nga shtëpia”, tha banorja e pallatit.
Në banesën e Zhaneta Josifit, e cila u vetëflijuar bashkë me njërën nga vajzat e saj, Anisa Josifi, ndërsa vajza tjetër Blerta, ndodhet në spital janë vetëm shiritat e sigurisë së vendosura nga policia mbrëmjen e djeshme.
Nëna dhe dy vajzat ishin predikuese të Jehovajit, pasi policia ka gjetur në banesën e tyre shënime predikuese.
Ndërsa Blerta Josifi 34 vjeç, ka dalë nga gjendja e rëndë shëndetësore, pasi u gjet në banesë pranë nënës dhe motrës së saj, të dyja të vdekura.
Ajo ka mbëritur ditën e djeshme (2 korrik) në urgjencën e QSUT ku i janë kryer të gjitha ekzaminimet.
Më pas ajo është transferuar në shërbimin e urgjencës psikiatrike, ku gjendja e saj është më e qetë.
g.kosovari
