Lajmin e bërë publik sot në media për vetëshpalljen e deputetit Ben Blushi në krye të LIBRA-s është munduar ta shpjegojë deputetja tjetër e kësaj force politike Mimoza Hafizi.
Përmes një statusi në Facebook, Hafizi thotë se deri më tani nuk janë zhvilluar zgjedhje brenda strukturave të LIBRA-s për të përcaktuar postet drejtuese. Dhe për këtë arsye sipas Hafizit është vendosur që Blushi të jetë përkohësisht kryetar.
Mirëpo në arsyetimin e saj, deputetja nuk sqaron se kush e ka përcaktuar Blushin kryetar? Dhe mbi të gjitha, LIBRA, të cilën dy deputetët e kanë trumpetuar shpesh në media si forcë politike transparente, atëherë pse nuk u bë publike ky fakt?
E vërteta është se nëse do kishte patur ndonjë proces, Hafizi sot do kishte thënë detajet. Kur bëhen zgjedhjet, si bëhen zgjedhjet etj etj. Por fakti që LIBRA nuk ka parashikuar asnjë proces por thjesht ka emëruar kryetar Blushin, do të thotë se është nje parti false.
Vetë deputeti Blushi bëri idealistin dhe kërkonte parimet në PS, edhe pse PS e kishte një kryetar dhe kryeministër që kishte fituar dy palë zgjedhje rresht. Ndërsa tani që krijoi partinë e vetë me mandatin e vjedhur nga PS, i harroi parimet dhe premtimet dhe u vetëemerua si kryetar.
Më poshtë statusi në Facebook i Hafizit:
Sot ka patur spekulime në disa media lidhur me organet drejtuese të LIBRAs.
LIBRA është themeluar në muajin Tetor nga një grup i madh nismëtar, në përputhje me ligjin për partitë politike. Organet e para drejtuese, ku bën pjesë edhe kryetari, janë zgjedhur nga ky grup themelues nismëtar. Ato janë organe të përkohshme, që kanë për detyrë organizimin e LIBRAs deri në zgjedhjet e para të brendshme.
LIBRA do të organizojë, brenda pak muajsh, zgjedhjet demokratike për të gjitha organet drejtuese, përfshirë dhe kryetarin, bazuar në statutin e saj që garanton pjesëmarrje të lirë e të barabartë të të gjithë anëtarëve. /lexo.al
