Frederic Veseli ka refuzuar Turqinë dhe ofertën që kishte mbërritur nga Denizlispor. Mbrojtësi i kombëtares shqiptare ishte pranë kalimit në kampionatin turk, por në fund ka reflektuar dhe ka thënë “jo”. Empoli kishte rënë dakord me drejtuesit turq, teksa priste vetëm “ok” e futbollistit.
Motivet që kanë shtyrë Veselin të mos pranë këtë destinacion lidhen me emrin e skuadrës dhe ambicjet e tij personale, sipas “Tuttomercatoweb”.
Mbrojtësi kuqezi ka menduar se një kalim në Turqi në këtë skuadër nuk është një hap përpara, edhe pse rroga që i ofronte Denizlispor ishte e mirë. Futbollisti pret një ofertë më të rëndësishme duke shpresuar të qëndrojë në Itali. Sakaq, Empoli i ka bërë me dije se është në shitje.
