Kryetari i Kuvendit të Kosovës, Kadri Veseli, deklaroi nga Brukseli se në seancën e së premtes nuk do të zgjidhet Presidenti i ri i vendit.
Veseli tha se opozita e pozita e kanë për obligim që me sjelljen e vet të dëshmojnë se punojnë për vendin e tyre.
“Kemi thirrë seancë për të premten seancë që ndërlidhet pikërisht me liberalizim të vizave”, tha Veseli, në deklaratë për RTK’në.
Ai tha se Komisioni Evropian pret nga Kuvendi i Kosovës, amandamentimin e Ligjin për Prokurimin Publik, në mënyrë që të plotësohet edhe një kriter për vizat.
“Por seanca e zgjidhjes së presidentit do të jetë e veçantë, e do të jetë një seancë siç e meriton presidenti”, tha Veseli.
Kryeparlamentari Veseli deklaroi nga Brukseli se ajo seancë do të jetë transparente dhe gjithëpërfshirëse.
“Do të jetë seancë solemne, e sa më legale e kushtetuese, që të kemi president legjitim”.
Express
