Kryetari i Kuvendit të Kosovës, Kadri Veseli, teksa ka folur për shënimin e vijës kufitare me Malin e Zi, i cili sipas tij do të ishte dashur të kryhet para 11 muajve.
“Demarkacioni është tërësisht në interes të Kosovës për fuqizimin e identitetit dhe shtetit gjithnjë në partneritet me SHBA-të.
E ftoj opozitën që të jemi të bashkuar në vendimet që janë interes të Kosovës, sepse bojkoti përmes bllokimit të proceseve ftoh marrëdhëniet me SHBA dhe Evropën dhe këtë përgjegjësi do ta marrin ata që nuk e votojnë demarkacionin”, tha Veseli në televizionin publik.
Ai është optimist se shumë shpejt do të votohet demarkacioni pas sjelljes në Kuvend nga Qeveria projektligjin në fjalë.Veseli pret që demarkacioni unanimisht do të votohet, sepse sipas tij, është në të mirë të vendit, referon Koha. (b.an)
