Marco Verratti është duke shpresuar që Juventusi ta mposhtë Barcelonën në Ligën e Kampionëve. Barcelona shkroi historinë kundër Paris Saint Germainit të Marco Verrattit, duke përmbysur rezultatin prej 4:0, transmeton Gazeta Express.
Katalanasit tani do të përballen në çerekfinale me Juventusin dhe mesfushori italian, Marco Verratti, shpreson se do të triumfojnë bashkëvendësit, teksa pret ndeshje tejet të balancuar.“Do të jetë ndeshje e balancuar”, tha fillimisht ai për “Gazzetta dello Sport”.
“Juventusi, në shtëpi, ka treguar se janë të papërshtatshëm për çdo skuadër. Teknikisht ata janë shumë të mirë dhe do t’ju shkaktojnë shumë probleme Barcelonës”, shtoi Verratti. “Fatkeqësisht këtë ndeshje do ta shoh nga shtëpia, por shumë njerëz do të shikojnë sfidën, pasi po përballen dy ekipe të shkëlqyera”, theksoi më tej italiani.
“Parashikimi im? Nuk e di, por pasi kam shumë lojtarë të Juves në Kombëtare, shpresoj të fitojnë ata. Mendoj se në shtëpi, ata kanë shanse shumë të mira që të triumfojnë”, përfundoi Verratti, përgatiti ”Express”. (b.an)
