Verifikohet sistemi TIMS, Grupi i falsifikatorëve të vizave amerikane mohon akuzat
Asnjëri prej tre të arrestuarve nga operacioni i koduar “Del Piero”, nuk ka pranuar të bashkëpunojë me drejtësinë.
3 dite pas arrestimit, të Pjerin Brahimaj, Keldi Beshi dhe Jupiter Brahimaj, prokurorët nuk kanë mundur të marrin asnjë të dhënë që hedh dritë mbi mënyrën se si qindra shtetas shqiptarë, jane pajisur me viza, pasaporta, vula, karta identiteti fallso.
Të pandehurit kanë mohuar çdo akuzë, raporton Ora News.
Sipas hetimit, ka prova që dëshmojne se aktiviteti i tyre ka qenë i vazhdueshëm dhe i përditshëm.
Ka informata se shume shtetas tashmë të identifikuar edhe nga prokuroria kanë mundur të dalin nga territori shqiptar , me dokumenta të fallsifikuara indentiteti pa i zbuluar askush.
Në këtë çështje prokuroret thanë se ende nuk kanë përcaktuar numrin e saktë por në ndihmë të hetimit do të vihen edhe të gjitha pikat e kalimit kufitarë.
Një site me emrat e personave që rezultojnë se janë pajisur me dokumentat e falsifikuara i është dorëzuar ditën e martë, 4 gusht 2015, Drejtorisë së Përgjithshme të Kufirit, ku pritet të verifikohen në sistemin Tims hyrje daljet e tyre nga territori shqiptar.
Në tetorin e vitit të shkuar, prokuroria e Tiranes u përfshi në një hetim të përbashkët me policinë pas informacioneve në rrugë operative se një grup prej 6 personash dy prej të cilëve të arrestuar disa muaj më parë, falsifikonin dokumente të vlefshme për të udhëtuar jashtë vendit, raporton Ora News.
Në fazën e dytë të hetimit, pritet që në prokurori të thirren për të dëshmuar në favor të akuzës personat që janë pajisur me dokumentat e falsifikuara.
