Ministri i jashtëm grek, Nikos Kotzias, ka reaguar lidhur me vendimin e qeverisë shqiptare për varrezat e ushtarëve grekë. Ai e ka vlerësuar si një “hap shumë pozitiv të besimit ndërmjet dy vendeve”.
“Besoj se vendimi që u mor më 13 dhjetor dhe u publikua dje, sipas të cilit rregullohen çështjet e varrezave të ushtarëve grekë, përbën një hap kolosal edhe për t’u qetësuar shpirti i të rënëve – siç thotë populli. Por edhe një hap i besimit ndërmjet të dy vendeve tona”, deklaroi Kotzias.
Në vazhdim të komentit për vendimin e Tiranës, Kotzias vërejti se “diplomacia mund të arrijë shumë më tepër nga sa britmat boshe të protestës”.
“Diplomacia është rruga për të zhvilluar pozitivisht marrëdhëniet tona me fqinjët dhe qeveria jonë dhe unë personalisht, kemi zgjedhur këtë rrugë”, tha Kotzias./a.m.
