“Saimir Tahiri nuk do të bëjë asnjë ditë burg, sepse shteti i Ramës ka 2 standarde: Mbron bashkëpunëtorët e tij, ndëshkon njerëzit e zakonshëm”. Keshtu ka deklaruar sot ish-deputeti i PD-se, Enkelejd Alibeaj ne nje deklarate per mediat nga selia blu.
“Njeriu që zbatoi planin e Edi Ramës për të kanabizuar Shqipërinë në funksion të blerjes së pushtetit me paratë e drogës, nuk ndëshkohet nga drejtësia, sepse me Edi Ramën në krye të qeverisë, drejtësia ka dy standarde: Saimir Tahiri në liri, duke shijuar pushtetin, paratë dhe luksin, ndërsa shqiptarët e zakonshëm në burg, ku humbin jetën për asgjë”- tha ai.
Ish-deputeti demokrat deklaroi se shërbimi më i madh për drejtësinë dhe për vendin është ndarja e politikës nga krimi.
“Aty është burimi i të gjitha të këqijave. Pa prerë lidhjet e politikës me krimin, në Shqipëri nuk ka për të patur drejtësi të vërtetë, më të pamundurit do të vuajnë burgjeve, ndërsa të pushtetshmit si Edi Rama dhe Saimir Tahiri, do të vazhdojnë të jetojnë në luks pa u ndëshkuar“, tha ai.
g,kosovari
