Gjykata e Apelit të Krimeve të Rënda ka dhënë vendimin për anëtarët e të ashtuquajturit grupi i tritolit, të kryesuar nga Julian Sinanaj. Ky i fundit, që kryente edhe atentatet, është dënuar me 30 vite burg, duke përfituar nga statusi i bashkëpunëtorit të drejtësisë.
Ai shmangu dënimin përjetë për vrasjet e kryera. Ndërkohë, Andon Mëhillaj, i cili ndërmjetësonte dhe porosiste vrasjet, ëhstë dënuar me burg përjetë. Kushëriri i tij Genis Mëhillaj i ndaluar vetëm dy ditë më parë, u dënua me 10 vite burg. I penduari tjetër, shtetasi Ndriçim Gjokona u dënua me 8 vite burg.
Këta persona akuzohen për vrasjen e shtetasve Agron Çela dhe Sokol Veizi, ngjarje të cilat janë zbardhur. Ndërkohë, ata akuzohen edhe për vendosjen e tritolit në banesën e Ardian Kollozit në Vlorë./a.m.
Dënimet për 7 anëtarët e ‘bandës së tritolit’
Andon Mehillaj – me burg përjetë
Genis Mehillaj – 10 vite burgim
Julian Sinanaj – 30 vite burgim
Ndriçim Gjokonën – 8 vite burgim
Marjon Mitro – 8 vite burgim
Albin Mexhaj – 8 vite burgim
Ilir Karçini – 5 vite burgim
