Në përfundim të mbledhjes së Komitetit Teknik të Ekspertëve, ministrja Manastirliu tha se në vendin tonë është shënuar një rënie e ndjeshme e infektimeve dhe e vdekshmërisë nga Covid-19.
Aktualisht, numri i të shtruarve në spitale është 116 pacientë, tha Ogerta Manastirliu. Ajo shtoi se falë masave të targetuara, Shqipëria ia ka dalë gjatë një viti pandemie të ketë rezultatin e sotëm sa i përket pandemisë.
Ministrja u shpreh se nga sot hiqet karantina për shqiptarët që hyjnë nga Greqia dhe Maqedonia e Veriut.
“Vijojmë fushatën e vaksinimeve. Rreth 100 mijë qytetarë e kanë marrë edhe dozën e dytë. Nisur nga situata, Komiteti ka pasur një mbledhje dhe ka vlerësuar masat. Kështu hiqet masa e karantinës 14 ditore me Greqinë dhe RMV. Gjithashtu hapen auditorët për procesin e konsultimeve. Ndërsa masat e tjera kufizuese përfshirë dhe orën 22:00 mbetet në fuqi” – tha Manastirliu.
/a.r
