Kryetari i Kishës Ortodokse, Anastas Janullatos, ka vlerësuar vendimin e Presidentit të Republikës, Ilir Meta, për t’i dhënë nënshtetësinë shqiptare Kryepeshkopit.
Gjatë meshës së mbajtur mëngjesin e sotëm në Kishën ortodokse, ku të gjithë besimtarët kremtuan lindjen e Krishtit, Janullatos falënderoi Presidentin Meta për dhënien e shtetësisë, ndërsa kërkoi nga të pranishmit duartrokitje për të.
“Vendimi i tij është i rëndësishëm për ne”, tha Kryepeshkopi Janullatos.
Ndërkohë, gjatë meshës së Krishtlindjes, në fjalën e tij falënderuese ndaj Presidentit Meta, Kryepeshkopi Anastas e krahasoi vendimin e Presidentit për dhënien e shtetësisë shqiptare me verën, e cila sipas tij, ‘sa më shumë vjetërohet, aq më shumë vlera merr’.
ma.me
