Pak orë para ceremonisë së inaugurimit të Ambasadës së SHBA-ve në Jeruzalem, protesta vdekjeprurëse raportohet të kenë ndodhur.
38 palestinezë kanë humbur jetën gjatë përleshjeve ndërsa mbi 900 janë plagosur.
Ushtria izrealite ka hedhur fletëpalosje mes protestuesve ku bëhet thirrje për të mos e kaluar gardhin që ndan Gazan nga Jeruzalemi.
SHBA hapi sot ambasadën e re të saj në Jeruzalem, një lëvizje kjo tejet e pëlqyer nga Izraeli, por e dënuar nga palestinezët që janë mbledhur në protesta masive.
Zyrtarë të lartë amerikanë do të marrin pjesë në ceremoninë e të hënës, përfshirë vajzën e presidentit Donald Trump, Ivanka dhe bashkëshortin e saj, Jared Kushner.
Ndërsa pjesa më e madhe e diplomatëve evropianë, nuk do të jenë të pranishëm. Vendimi i Trump për ta zhvendosur ambasadën nga Tel Avivi ka zemëruar palestinezët që pretendojnë Jerusalemin Lindor si kryeqytet të shtetit të ardhshëm palestinez.
Izraeli, mori kontrollin e Jerusalemit Lindor në luftën e Lindjes së Mesme në 1967 dhe e konsideron atë si kryeqyteti i përjetshëm, i pandashëm.
/javanews/b.d
